We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Ragnars Saga Lo​ð​br​ó​kar

by Illuriah

supported by
/
  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.

    Pre-ording "Ragnars Saga Loðbrókar" you'll receive the album cover in high quality in your e-mail.
    Purchasable with gift card

      $10 USD  or more

     

1.
Heill dagr. Heilir dags synir. Heil nótt ok nift. Óreiðum augum lítið okkr þinig ok gefið sitjöndum sigr." "Heilir æsir. Heilar ásynjur. Heil sjá in fjölnýta fold. Mál ok mannvit gefið okkr mærum tveim ok læknishendr, meðan lifum.
2.
Foldar Fiski 02:07
Hætt hefi ek leyfðu lífi, litfögr kona, vetra vá ek at foldar fiski fimtán gamall mínu. Hafa skal ek böl, nema bíði bráðráðinn mér dauði heiðar lax til hjarta hringlegnum vel smjúga.
3.
Kráka 04:16
Þori ek eigi boð brjóta, er báðuð mik ganga, né ræsis kvöð rjúfa, Ragnarr, við þik stefnu. Manngi er mér í sinni mitt er bert hörund eigi fylgi hefi ek fullgótt fer ek ein saman mínu. Sú mundi víst, ef væri vörðr föðurjarðar mætr á mildri snótu, á mér taka höndum. Vammlausa skaltu, vísi, ef viltu griðum þyrma, heim höfum hilmi sóttan heðan mik fara láta. Viltu þenna þiggja, er Þóra hjörtr átti, serk við silfr um merktan? Sama allvel þér klæði. Fóru hendr hvítar hennar um þessar görvar; sú var buðlungi bragna blíðum þekk til dauða. Þori ek eigi þann þiggja, er Þóra hjörtr átti, serk við silfr um merktan; sama ælig mér klæði. Því em ek Kráka kölluð, í kolsvörtum váðum at ek hefi grjót um gengit ok geitr með sjá reknar. Þrjár nætr skulum þessar, ok þó saman, byggja Thressvart nætr í höllu, áðr vit heilug goð blótim. Þó munu mein á mínum megi til löng of verða; heldr ertu bráðr at byrja þann, er bein hefir engi.
4.
Hvitbær 00:57
Upp hrundu vér ópi (ór bitu meir en þeira) satt mun ek til þess segja (sverð) í Gnipafirði. Knátti hverr, er vildi, fyr Hvítabær útan né sitt spari sveinar sverð manns bani verða!
5.
Sigurðr mun sveinn of heitinn; sá mun orrostur heyja, mjök líkr vera móður ok mögr föður kallaðr. Sá mun Óðins ættar yfirþáttr vera heitinn; þeim er ormr í auga, er annan lét svelta. Brynhildar líz brögnum brúnstein hafa fránan dóttur mögr inn dýri ok dyggligast hjarta. Sjá berr alla ýta undleygs boði magni, Buðla niðr, er baugi bráðgörr, hatar rauðum. Sá ek engum sveini nema Sigurði einum í brúnsteinum brúna bráðhalls tauma lagða. Sjá hefir dagrýfir dýra dælt er hann at því kenna hvass í hvarmatúni hrings myrkviðar fengit.
6.
Vil ek eigi boð fyrir bróður né baugum mey kaupa — Eystein kveða orðinn Agnars bana — heyra. Grætr eigi mik móðir; mun ek eptir öl drekka; ok geirtré í gegnum gör látið mik standa! Munat eins konungs efni, svá at ek vita dæmi, á dýrra beð deyja til dagverðar hrafni. Mun blóði þá bróður ok bráð yfir gjalla bræðra beggja slíta blár, þó at illa leyni. Bera skuluð orð it efra, nú eru órir firar lagðir at mær hafi mína mjó, Áslaugu, bauga. Þá mun mest af móði, er mik spyrja dauðan, mín stjúpmóðir mildum mögum sínum til segja. Hlakkar hrafn of höfði hér mínu nú sýnu; krefr unda valr augna ósynju hér minna. Veiztu, ef hrafn ór höfði høggr brúnsteina mína, launar unda valr egðis illa marga fylli.
7.
Blóðnætr 07:27
Þér segju vér þína þat er nauð, kona! dauða. Ill eru einkarmanni ørlög sona Þóru. Þung spjöll vitum önnur æ nýjari en þessi: nú hefi ek fram komit fögrum flaug örn of ná dauðan. Kaga létu mik mínir mávangs synir löngum; ér eruð heim ok heiman húsgangs meðalfærir. Rögnvaldr tók at rjóða rönd í gumna blóði; hann kom yngstr til Óðins ógndjarfr sona minna. Eigi mundi yðvar óhefnt vera lengi, eitt misseri eptir, ef ér dæið fyrri, lítt hirði ek því leyna ef líf hafa knætti Eiríkr sitt ok Agnarr óbornir mér niðjar. (Þat) skal þriggja nátta (ef þik tregar, móðir) leið eigu vér langa leiðangr búinn verða. Skal Uppsölum eigi, þó at ófafé bjóði, ef oss duga eggjar, Eysteinn konungr ráða. Duga mun hugr ok hjarta í hugsnöru brjósti, þó at miðr um þat mæli, manni innan rifja. Eigi er oss í augum ormr né fránir snákar; bræðr gæddu mik mínir; man ek stjúpsonu þína. Hyggjum at, áðr heitim, at hefnt megi verða; látum ýmsu illu Agnars bana fagna. Skjótum húf á hrannir, höggum ís fyrir barði; sjám á hitt, hvé snekkjur snemst vér fáim búnar. Hafið ofrhuga ærinn ok áræði bæði; þess mundi þá þurfa, at þrá mikit fylgði. Bera munuð mik fyr bragna beinlausan fram verða; þó á* ek hönd til hefnda, at ek hváriga nýta.
8.
Hvítserkr 02:21
Sonr beið einn, sá er ek átta, í austrvegi dauða; Hvítserkr var sá heitinn, hvergi gjarn at flýja. Hitnaði hann af höfðum höggvins vals at rómu; kaus þann bana þengill þróttarsnjallr, áðr felli. Höfðum lét of hrundit hundmörgum gramr undir, at feigum bör fólka fingi eldr yfir syngja. Hvat skyli beð enn betra böðheggr und sik leggja? Olli dýrr við orðstír allvaldr jöfurs falli.
9.
Ögmund 02:30
Þat var fyrir löngu, er í leið megir Heklings fóru hlumtungum fram um salta slóð birtinga; þá varð ek þessa þorps ráðandi. Ok því settu mik svarðmerðlingar suðr hjá salti, synir Loðbróku. Þá var ek blótinn til bana mönnum í Sámseyju sunnanverðri. Þar báðu standa, meðan strönd þolir, mann hjá þyrni ok mosa vaxinn. Nú skýtr á mik skýja gráti; hlýr hvárki mér hold né klæði.
10.
Krákumál 09:03
Hjuggu vér með hjörvi. Hitt var ei fyr löngu, er á Gautlandi gengum at grafvitnis morði. Þá fengu vér Þóru; þaðan hétu mik fyrðar, þá er ek lyngölun lagðak, Loðbrók, at því vígi. Stakk ek á storðar lykkju stáli bjartra mála. Hjuggu vér með hjörvi. Hátt grenjuðu rottar, áðr en á Ullarakri Eysteinn konungr felli. Gengum gulli fáðir grundar vals af bröndum — rækyndill smaug rauðar rítr — at hjálma móti. Svíra virtr ór sárum sveif of hjarna kleifar. Hjuggu vér með hjörvi. Hitt lægir mik jafnan, at Baldrs föður bekki búna veit ek at sumblum. Drekkum bjór af bragði ór bjúgviðum hausa; sýtir ei drengr við dauða dýrs at Fjölnis húsum. Eigi kem ek með æðru orð til Viðris hallar. Hjuggu vér með hjörvi. Hér mundu nú allir burir Áslaugar bröndum bitrum hildi vekja, ef vandliga vissi um viðfarar ossar, hvé ófáir ormar eitrfullir mik slíta. Móðernis fekk ek mínum mögum, svá at hjörtun dugðu. Fýsumz hins at hætta. Heim bjóða mér dísir, þær er frá Herjans höllu hefr Óðinn mér sendar. Glaðr skal ek öl með ásum í öndvegi drekka; lífs eru liðnar vánir; læjandi skal ek deyja.
11.
Orma 02:36
Orrostur hefi ek áttar, þær er ágætar þóttu görða ek mörgum mönnum mein fimm tigu ok eina. Eigi hugðumz orma at aldrlagi mínu; mjök verðr mörgu sinni, þat er minst varir sjálfan. Gnyðja mundu grísir, ef galtar hag vissi, — mér er gnótt at grandi — grafa inn rönum sínum ok harðliga hrína; hafa mik sogit ormar; nú man ek nár af bragði ok nær dýrum deyja.

about

Ragnars Saga Loðbrókar is a concept album that have an order to be listened. It tells the story of Ragnar Loðbrókar until his death by Ælla.

credits

released October 20, 2022

Haukr Erlendsson

license

all rights reserved

tags

about

Illuriah PR, Brazil

Illuriah means everything and nothing. Everything that came before and after Ymir. Illuriah is ginnungagap and all nine worlds.

contact / help

Contact Illuriah

Streaming and
Download help

Report this album or account

Illuriah recommends:

If you like Illuriah, you may also like: